Түбән Кама районында чокырларны ремонтлау 30 процентка башкарылган

Хәзерге вакытта Түбән Кама муниципаль районында юлдагы чокырларны ремонтлау буенча планлаштырылган эшләрнең 30 проценты башкарылган.
Бу хакта «эшлекле дүшәмбе» дә Түбән Кама муниципаль районының башкарма комитеты җитәкчесе урынбасары Максим Парамонов хәбәр итте.

Хәзерге вакытта Ахтубинская, Җиңүнең 30 еллыгы урамнарында һәм Соболеково юлында чокырларны ямау эшләре бара. Якын арада Корабельная роща һәм мәйдан юнәлешендә ремонт башланачак.

Быел 3,3 мең кв. м юл өслегендә чокырларны ямау планлаштырыла.