Түбән Кама районында белгечләр поши баласын әсирлектән коткарганнар

Түбән Кама районының бер урманында кечкенә поши баласы чокырга төшкән. Бу хакта ТР биоресурслар буенча дәүләт комитетының матбугат хезмәте хәбәр итә.

Кечкенә поши әсирлектән мөстәкыйль чыга алмаган. Аның тавышына җәмәгать аучылык инспекторлары һәм ТР биоресурслар буенча дәүләт комитетының районара бүлеге башлыгы Эдуард Иванов килә.

Поши баласы коткару операциясен уңышлы кичерә. Хайван зыян күрми, коткарганнан соң аны урманга җибәрәләр.