Түбән Кама районы имам-мөхтәсибе «Иман һәм спорт» II Бөтенроссия форумында катнашты

11-13 сентябрь көннәрендә Түбән Новгородта «Иман һәм спорт» II Бөтенроссия форумы узды, анда Татарстан мөфтиенең халыкара мәсьәләләр буенча киңәшчесе, Түбән Кама районы имам-мөхтәсибе Салих хәзрәт Ибраһимов Татарстан мөселманнары Диния нәзарәте исеменнән чыгыш ясады. 

Салих хәзрәт мөселман мәхәлләләре һәм мөхтәсибәтләрнең Татарстанда спорт чараларын оештыруда хезмәттәшлеге, шулай ук ТР мөселманнары Диния нәзарәте проектлары турында сөйләде. 

Ул шулай ук мөселман яшьләрен спорт һәм физик культура белән шөгыльләнүгә җәлеп итү, мәхәлләләрдә төрле спорт чараларын оештыру тәҗрибәсе, төрле конфессия вәкилләренең спорт чараларында катнашуы кебек мөһим темаларны күтәрде.

Фото шәхси архивтан