Түбән Кама перинаталь үзәгенә җиһазлар сатып алу өчен 62 млн сум биреләчәк

Түбән Камадагы перинаталь үзәк югары технологияле җиһазлар һәм мебель сатып алу өчен 62 миллион сум күләмендә өстәмә финанслау алачак.

Түбән Кама муниципаль районы башлыгы Радмир Беляев сөйләвенчә, карар Татарстан Рәисе Рөстәм Миңнеханов һәм республиканың сәламәтлек саклау министрлыгы ярдәмендә кабул ителгән.

Бүлеп бирелгән акчаларның 44 миллион сумы заманча медицина җиһазлары сатып алуга, ә 18 миллион сумы яңартылган үзәк өчен мебель сатып алуга юнәлдереләчәк.

«Шулай булгач, якын арада барлык эшләрне төгәлләячәкбез һәм заманча, уңайлы перинаталь үзәк ачачакбыз. Объект бөтен Кама Аръягы өчен диярлек мөһим әһәмияткә ия — монда якындагы шәһәр һәм авыл балаларына дөньяга килергә ярдәм итәләр», — дип билгеләп үтте Радмир Беляев.