«Түбән Кама Нефтехим»дагы янгын сүндерелгән, зыян күрүчеләр юк

Гадәттән тыш хәлләр министрлыгы янгын сүндерүчеләре Түбән Кама сәнәгать зонасында, «Түбән Кама Нефтехим» бүлекчәләренең берсендә чыккан янгынны сүндерде.

Гадәттән тыш хәлләр министрлыгының Татарстан буенча Баш идарәсе матбугат хезмәте хәбәр иткәнчә, сигез лафет көпшәсе, бер янгын сүндерү күбек күтәргече җәлеп ителгән. Янгынны сүндерүгә барлыгы 32 берәмлек техника һәм Россия гадәттән тыш хәлләр министрлыгының 95 хезмәткәре җәлеп ителгән.

Янгын сүндерелгән, беркем дә зыян күрмәгән.