Түбән Кама мэры алтынчы сыйныф укучылары өчен ачык дәрес үткәрде

Ул «Шәһәр тормышы» темасына багышланган ачык дәрес үткәрде. Яшьләр шәһәр башлыгына үзләрен кызыксындырган сорауларны бирделәр һәм Түбән Каманың үсеше турында яңалыкларны тыңладылар. Очрашу «Шәһәр һәм кешеләр» проекты кысаларында узды.

Укучыларның йөзләрендә җитдилек белән бергә шаянрак кызыксыну да сизелә иде. Бүген алар өчен гадәти булмаган уку көне. 37нче лицейда Түбән Кама мэрының дәрес алып баруы – моның бер сәбәбе.

«Бу проект кысаларында без шәһәр турында сөйләшәбез, – дип сөйләде Түбән Кама  муниципаль районы мәгариф идарәсе җитәкчесе. – Укучылар шәһәрнең танылган шәхесләре белән аралашу мөмкинлеге ала. Аларның алдында шәһәр үсеше һәм тарихы турында яңа белемнәр туплау, үзләрен борчыган сорауларны бирү зур мөмкинлек. Нәтиҗәсе, һичшиксез, бик зур булырга тиеш».

Дәреснең төп темасы – Түбән Каманың бүгенгесе һәм киләчәге. Укучылар җитәкчене үзләрен кызыксындырган сораулар белән генә түгел, ә шәһәр үсешенә кагылышлы теләк-тәкъдимнәр белән дә бүлештеләр. Малайлар, кызлар Түбән Кама мэрының мәктәптә ничек укуы, киләчәктә нинди һөнәр сайлау турындагы сорауларына да җавап алдылар.

«Шуны билгеләп үтәргә кирәк: бүген Түбән Камада дефицитлы һөнәрләр бар. Мәсәлән, табиблар. Хәзерге вакытта безнең медицина хезмәткәрләре җитәрлек түгел», – дип ассызыклады Радмир Беляев.

Мондый очрашулар республиканың башка мәктәпләрендә дә үткәреләчәк. Укучылар алдында төрле өлкә белгечләре чыгыш ясаячак. Бу очрашулар «Шәһәр һәм кешеләр» дип исемләнгән проект кысаларында дәвам итәчәк.