Түбән Кама мәдәният идарәсен Татарстан Милли китапханәсенең элеккеге хезмәткәре җитәкләячәк

Түбән Камада мәдәният идарәсен Гөлназ Арысланова җитәкләячәк. Яңа җитәкчене дүшәмбе, 29 гыйнварда планеркада тәкъдим итәчәкләр.
Бу хакта «Татар-информ» мәгълүмат агентлыгы хәбәр итә.

2004 елдан Гөлназ Арысланова ТР Милли китапханәсенең фәнни-методик бүлеге китапханәчесе булып эшли. 2014 елда ул Түбән Кама һәм районның үзәкләштерелгән китапханә системасы директоры итеп билгеләнә.

Исегезгә төшерәбез, элек бу постны Инга Багавиева биләгән иде. Узган елның 15 декабрендә ул вазифасыннан китте.

Фото: Түбән Кама үзәк китапханә системасы