Түбән Кама контрактчылары һава-десант гаскәрләрендә хезмәт итәргә китте

Түбән Камада контракт буенча китүчеләрне хәрби хезмәткә озаттылар. Чара 24 августта Төзүчеләр бистәсендәге шәһәр хәрби комиссариаты бинасы янында узды.

Хәрби хезмәткә дүрт кеше китте. Алар һава-десант гаскәрләре подразделениеләрендә хезмәт итеп, алар составында махсус хәрби операциягә кушылачаклар.

Хезмәткә китүчеләргә Түбән Кама һәм Түбән Кама районы хәрби комиссары Газинур Ситдыйков, локаль сугышлар һәм хәрби конфликтлар ветераннарының Түбән Кама бүлекчәсе вәкилләре, шулай ук туганнары үгет-нәсихәт сүзләре әйтте.