Түбән Кама китап бүләк итү акциясенә кушылды

Түбән Кама педагогика көллияте китапханәсендә «Мәхәббәт белән китаплар бүләк итегез» дигән Бөтенроссия акциясе уза. Ул Халыкара китап бүләк итү көненә багышланган.

Акциянең асылы — китап һәм укырга яратучыларны берләштерү. Китапханәдә китап алмашу мәйданчыгы оештырылды, әдәби викториналар узды, балалар өчен алар яраткан әсәрләр яңгырады, китап кыстыргычлары ясау буенча мастер-класс үткәрелде.

Балалар китапханәсенең беренче катында күргәзмә урнашкан, анда китапханә өчен китаплар калдырырга, ошаган китапны алырга, алмашырга, шулай ук стендта кызыклы китапны һәм аның авторын билгеләргә була. Акция 3 мартка кадәр дәвам итәчәк.

Фото: социаль челтәрләр