Түбән Кама янында Соколка — Новый Закамский боз кичүен яптылар

Түбән Кама янында Соколка авылы — Новый Закамский поселогы маршруты буенча вакытлыча боз кичүен яптылар.

Бу «Түбән Кама ГЭСы» ның зур күләмдә су агызуы белән бәйле, дип хәбәр итә кичү вәкилләре. Бу — суның боз өстенә чыгуына китерде, диелә Россия гадәттән тыш хәлләр министрлыгының Татарстан Республикасы буенча Баш идарәсендә.

Боз юлының ачылу датасы әлегә билгеле түгел.

Покровское авылы — Красный Ключ поселогы маршруты буенча боз кичүе штат режимында эшли.