Түбән Кама ГИМС хезмәткәрләре бозга чыгуның куркыныч булуы турында кисәтә

ГИМС хезмәткәрләре түбәнкамалыларны бозга чыгудан тыелырга чакыра. Сулыкларда су өсте әле боз белән каплана гына башлады. Күлләрдә боз елгаларга караганда тизрәк барлыкка килә.

Ел саен юка боз кешеләрнең үлеменә сәбәп була. Куркынычсызлык кагыйдәләрен нигездә балыкчылар һәм балалар санга сукмый. Калынлыгы 10 см булган бозга гына чыгарга мөмкин. Әгәр һава температурасы 3 көннән артык ноль градустан югары булса, бозның ныклыгы 25% ка кими.