Түбән Кама базарында гриппка каршы күчмә вакцинация узды

Ике сәгать дәвамында табиблар шәһәр халкына гриппка каршы прививка ясады. Хәзер белгечләр «Совигрипп» вакцинасы белән эшли. Икенче тапкыр күчмә вакцинация 17 октябрь, җомга көнне, шул ук урында узачак.

Күчмә бригадаларның эше, беренче чиратта, өлкән яшьтәге һәм аз хәрәкәтләнүче кешеләргә юнәлдерелгән. Прививканы куйдыру өчен үзең белән паспорт алырга кирәк. Табиб кыска гына сораштыру үткәрәчәк һәм пациентның сәламәтлеге торышын тикшерәчәк. Әгәр барысы да нормада икән, процедурага керешергә мөмкин.

Прививка ясату кампаниясе август башында ук башланды. Белгечләр әйтүенчә, грипп таралуны киметү өчен 165 меңнән артык кешене вакцинацияләргә кирәк. Хәзер прививка 79 меңнән артык кешегә ясалган (өлкәннәр һәм балалар).