Түбән Кама балыкчыларын бозда кышкы балык тотуның куркыныч булуы турында кисәттеләр

ГИМС инспекторлары балыкчыларны каткан сулыкларда булганда кагыйдәләрне төгәл үтәүнең мөһимлеге турында кисәтте.

Кыш көне Түбән Кама халкының яраткан балык тоту урыннарының берсе — Кама елгасы. Хәзер анда бозның калынлыгы 41 сантиметрга җитә, шуңа күрә әлегә анда булу куркынычсыз. 

Шуңа да карамастан, хәтта мондый калынлык та тулы куркынычсызлыкны тәэмин итми. Температура тибрәнүләре һәм шактый көчле агым — болар барысы да җылулар хасил булуга ярдәм итә. Җентекләп карасаң, елгада андый урыннарны бик җиңел табып була. Коткаручылар балыкчыларга үзләре белән иң элементар коткару чараларын: озын бау яки очлы предметларны алырга киңәш итә.

Коткаручылар шулай ук понтон күпере районындагы сулыкта булдылар. Анда агым юк, шулай булгач, боз да шактый нык. Балыкчылар белән профилактик әңгәмәләр үткәрелде. Шунысы куанычлы, кешеләр мәгълүматны адекват кабул итә, диләр белгечләр. Билгеле булганча, каткан булса да су хаталарны гафу итми.