Түбән Кама балалар йортында тәрбияләнүчеләр СВО сугышчылары өчен «коры душ» комплектлары әзерләде

Түбән Кама балалар йортында тәрбияләнүчеләр «Добрые сердца» төркеме волонтерларының мастер-классында катнашты. Балалар СВО сугышчылары өчен дистәләгән «коры душ» комплектлары формалаштырды. 

Балалар инструкциянең икенче ягында сугышчыларга: «Җиңү белән кайтыгыз, без сезне көтәбез» дип теләкләрен яздылар.

Балалар йортында тәрбияләнүчеләр мондый мастер-классларда һәм патриотик акцияләрдә даими катнаша. Хәрби хезмәткәрләргә балалардан мондый ярдәмне алу бик күңелле. Алар балалар ясаган рәсемнәрне блиндажларда эләләр һәм алар язган хатларны кат-кат укыйлар, дип сөйли балалар йорты директоры.

Коры душ ясау буенча мастер-классны «Добрые сердца» төркеме волонтерлары оештырды. 

«2024 елда без мобилизацияләнгәннәрнең һәм контрактчыларның гаиләләренә ярдәм йөзеннән гражданлык җәмгыятен үстерүгә Татарстан Республикасы Рәисе грантында катнаштык. Без 862 мең сумлык грант оттык. Грант ярдәмендә без үз проектыбызны тормышка ашырабыз, барлык кирәкле әйберләрне грант акчаларына сатып алабыз», — дип ассызыклады 6, 7, 8 нче микрорайоннарның ТИҮС рәисе Лариса Орлова.