Түбән Кама авыл җирлекләрендә халык белән традицион очрашулар башлана
Хисап җыелышлары башкарма комитет, депутатлар, структур бүлекчәләр җитәкчеләре катнашында узачак.
Өченче февральдән Түбән Кама районының авыл җирлекләрендә «Хакимият белән ачык диалог» проекты кысаларында халык белән традицион очрашулар башлана.
Шәһәрнең микрорайоннарында яшәүчеләр белән очрашулар 4 февральдән башланыр дип көтелә.
«Барлык отчетлар башкарма комитет, депутатлар, структур бүлекчәләр җитәкчеләре катнашында узачак. Без 2024 елга йомгак ясыйбыз һәм киләчәккә планнар билгелибез. Безнең халык белән әңгәмәдә булуыбыз, шәһәрне үстерү буенча планнарыбызны җиткерү бик мөһим», — дип ассызыклады Түбән Кама мэры, Түбән Кама муниципаль районы башлыгы Рамил Муллин дүшәмбе планеркасында.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев