Түбән Кама автомобильчесе тизлекне арттырган өчен 133 штраф алган

Түбән Камада яшәүче кеше машина тизлеген арттырган өчен 133 штраф алган һәм аларның берсен дә закон нигезендә билгеләнгән 60 көн эчендә түләмәгән.

Аңа карата РФ Административ хокук бозулар кодексының 20.25 маддәсенең 1 өлеше буенча административ хокук бозу турында эш кузгатылган.

Мировой судья барлык бурыч фактлары буенча штрафлар билгеләгән, аларның гомуми суммасы 200 мең сум тәшкил иткән.

Карарлар әле законлы көченә кермәгән, дип хәбәр ителә Түбән Кама муниципаль районы буенча 1 нче суд участогы төркемендә.