Түбән Кама автоинспекторлары 8 Март алдыннан бәйрәм рейды уздырачак

Түбән Камада ЮХИДИ хезмәткәрләре хатын-кыз йөртүчеләрне Халыкара хатын-кызлар көне белән котлаячак.

Инспекторлар машиналарны туктатачак һәм документларны күрсәтүне таләп итү урынына гүзәл затларга чәчәкләр тапшырачак. Әмма инспекторлар юл хәрәкәте кагыйдәләрен үтәү кирәклеген дә искә төшерәчәк, дип хәбәр итә ведомствоның матбугат хезмәте.

Мондый бәйрәм рейдлары Түбән Кама өчен традиционга әверелде инде.