Түбән Кама аша йөрүче елга трамвае рейсларны 30 апрельдә башкара башлаячак

Чаллыдан Соколкага баручы М-8 пассажир теплоходы Кама буйлап 30 апрельдә йөри башлаячак. Бу хакта ТР Транспорт һәм юл хуҗалыгы министрлыгында хәбәр иттеләр.

Түбән Камага елга трамвае 9:00 сәгатьтә килеп җитә һәм 14:20 сәгатьтә кире кайту юлына кузгала.

Быел юл йөрү бәясе артты. Түбән Камадан Чаллыга кадәр билет 118 сум булса (+10 сум), Вишневкага кадәр 60 сумга (55 сум иде) төшәчәк.

Теплоходның навигациясе 3 октябрьгә кадәр дәвам итәчәк.