«Татмедиа» MАХ каналы төбәк массакүләм мәгълүмат чаралары рейтингын җитәкләде
«Татмедиа» медиахолдингының MAX-каналы MAX мессенджерының төбәк сегментында югары нәтиҗәләр күрсәтеп, берьюлы берничә абруйлы рейтингта беренче урынны яулады. Каналның уңышы New Media телеграм-каналында бастырылган MaxDash аналитик сервисы мәгълүматлары белән раслана.
Тикшерү мәгълүматларына караганда, «Татмедиа» 645 балл җыеп, төбәк телеканаллары арасында цитаталар индексы буенча абсолют лидер булды.
Бу күрсәткеч якындагы көндәшләреннән күпкә алда: икенче урында — Чиләбенең «Көньяк Урал» КСКК каналы (357 балл), өчлекне Краснодарның «Кубань» КСКК каналы 284 балл белән йомгаклый.
Моннан тыш, республика холдингы «канал авырлыгы» күрсәткече буенча да беренчелекне алды. Әлеге комплекслы индекс цитаталар дәрәҗәсен һәм аудиториянең җәлеп ителүен (ERR48) исәпкә алып билгеләнә. «Татмедиа»ның гомуми нәтиҗәсе — 18 750 балл.
Бу аңа Краснодарның «Кубань» (14 961) һәм «Кубань 24» (13 761) каналларын узып китәргә мөмкинлек бирде.
Аудитория активлыгы буенча Татарстанның тагын бер вәкиле — «ТНВ Татарча» каналы да югары нәтиҗәләргә иреште. Ул ERR48 күрсәткече буенча 58,21% белән икенче урынны алды, бары тик «Сочи 24» каналыннан (69,10%) гына калышты.
MAX төбәк сегментында язылучылар саны буенча лидерлыкны Мәскәү һәм Мәскәү өлкәсе яулаган («360» — 62,7 мең, «Мәскәү 24» — 58,4 мең язылучы).
Хәзерге вакытта «Татмедиа»ның MAX-каналында iPhone 17 Pro уйнатыла. Конкурста каналның барлык язылучылары да катнаша ала.
Следите за самым важным и интересным в Telegram-каналеТатмедиа
Нет комментариев