Татарстаннан яңгырлар һәм яшеннәр китәргә җыенмый

Татарстанда 22 майда аязучан болытлы һава көтелә. Кыска вакытлы яңгырлар явачак, төнлә урыны белән явым-төшем булуы ихтимал.

ТР Гидрометеоүзәге синоптиклары белешмәләре буенча, кайбер районнарда яшен һәм боз булыр дип фаразлана. Җил көньяк-көнбатыштан, секундына 6-11 метр тизлектә, урыны белән 15-20 метрга җитә, ә көндез урыны белән 23 м/с.

Төнлә температура +6..+11 градуска кадәр төшәчәк, көндез һава +17..+22 градуска кадәр җылына.