Татарстанлыларның кайсы категорияләрен эштә кыскарта алмыйлар

Татарстанда хезмәт ияләренең кайсы категорияләре әлеге процедурадан азат? Бу хакта тулырак — «Татар-информ» агентлыгы материалында.

Кемне кыскартырга ярамый

— йөкле хатын-кызларны;

— өч яшькә кадәрге балаларын тәрбияләүче хатын-кызларны; 

— 14 яшькә кадәрге балалары булган ялгыз аналарны яки балигълык яшенә җиткәнче инвалид бала тәрбияләүчеләрне;

— инвалид бала тәрбияләүче бердәнбер туендыручыны;

— 3 яшьтән кечерәк баласы булган ата-ананы, әмма бер шарт белән: гаиләдә 14 яшькә кадәрге өчтән артык бала тәрбияләнергә, шулай ук ата-аналарның берсе генә эшкә урнашкан булырга тиеш.

Моннан тыш, хезмәт җитештерүчәнлеге тигез булганда, эштән кыскарткан очракта түбәндәге категорияләргә өстенлекләр бирелә:

— инвалидлыгы булган хезмәткәрләргә;

— уйлап табучыларга;

— дәүләт серен белергә хакы булган хезмәткәрләргә;

— югары дәүләт бүләкләренә лаек булучыларга;

— ике һәм аннан да күбрәк кешене тәрбияләүчеләргә;

— әтисе армиядә хезмәт иткән очракта, бала тәрбияләүче анага;

— гаиләдә бердәнбер туендыручыга;

— производствода имгәнгән хезмәткәрләргә;

— эш бирүче өчен кирәкле программа буенча квалификациясен күтәрүчеләргә.