Татарстанлыларны февраль аенда өстәмә ял көне көтә

Февраль аенда Татарстанда яшәүчеләрне Ватанны саклаучылар көне уңаеннан кыскартылган эш атнасы көтә. Бу ТР Хезмәт министрлыгы сайтында бастырылган җитештерү календаре нигезендә билгеләнә.

Быел 23 февраль җомгага туры килә, бу эшләми торган көн дип санала. Шуңа күрә татарстанлыларның ял көннәре 23 февральдән 25 февральгә кадәр дәвам итәчәк. Пәнҗешәмбе, 22 февральдә, эш көне озынлыгы бер сәгатькә кыскара.

2024 елда биш көнлек эштә эшләүче татарстанлыларны 121 ял һәм 245 эш көне көтә.