Татарстанлыларга керемнәр турында 3-НДФЛ декларациясен тапшыру вакыты тәмамлануы турында искә төшерәләр

2022 елда алынган керемнәр турында 3-НДФЛ декларациясен тапшыру вакыты 2023 елның 2 маенда тәмамланды.

Исегезгә төшерәбез, декларацияне салым органына милек сатудан, бүләкләрдән, лотереядән, арендадан яки чит илдән керем алган салым түләүчеләр тапшырырга тиеш иде. Татарстан Республикасында андыйлар саны 40 меңнән артык.

Ә менә декларация бирмәгән кешеләргә карата булган мәгълүмат нигезендә тикшерүләр үткәреләчәк. Өстәмә салым суммасына штрафлар исәпләнәчәк.

Шуңа бәйле рәвештә, салым органнары почта аша килгән хәбрәрләргә игътибарлырак карарга һәм соралган документларны вакытында тапшырырга киңәш итә. Сүз уңаеннан, моны Россия Федераль салым хезмәте сайтында яки «Налоги ФЛ» мобиль кушымтасында эшләргә мөмкин.

Декларациядә исәпләнгән физик затларның керемнәренә салымны 2023 елның 17 июленә кадәр түләргә кирәк.