Татарстандагы федераль трассаларда вакытлыча чикләүләр бетерелде

Бу хакта җомга иртәсендә «Волго-Вятскуправтодор» хәбәр итте.

«30 гыйнвар көнне сәгать 8:00дән Татарстан Республикасындагы федераль әһәмияттәге гомуми кулланылыштагы автомобиль юлларында автобуслар һәм йөк транспорт чаралары өчен кертелгән вакытлыча хәрәкәт чикләүләре бетерелде», — диелә хәбәрдә.

Чикләүләр һава торышының начарлануы сәбәпле, 29 гыйнварда сәгать 17:00дә кертелгән иде.

Исегезгә төшерәбез, Татарстанда көчле кар явулары кимендә тагын берничә көн дәвам итәчәк.