Татарстанда Кама буйлап йөрүче елга трамвае 30 апрельдән эшли башлый

Татарстанда 30 апрельдән Чаллыдан Соколкага баручы М-8 пассажир теплоходы йөри башлаячак. Бу хакта «VK» социаль челтәрендәге елга судносы җәмәгатьчелегендә хәбәр ителә.

Түбән Камага елга трамвае 9:00 сәгатьтә килеп җитә һәм кире кайту юлына ул 14:10 сәгатьтә чыга.

Быел Түбән Камадан Чаллыга кадәр йөрү бәясе 127 сум, Алабугага кадәр — 64 сум, ә Соколкага кадәр — 105 сум.

«Түләү бары тик акчалата гына кабул ителә, сдачасыз сумма әзерләргә кирәк. Терминал юк, акчаны онлайн күчерүләрне кабул итмибез», — дип хәбәр ителә җәмәгатьчелектә.