Татарстанда һава торышы начар булу сәбәпле автобуслар һәм йөк машиналары хәрәкәтен чикләделәр

Кар яву һәм күз күреме чикләнү сәбәпле, 7 гыйнварда 17 сәгатьтән Татарстан территориясендә автобуслар һәм йөк автомобильләре өчен берничә автомобиль юлы буенча хәрәкәт вакытлыча чикләнде, дип хәбәр итә республиканың Дәүләт автоинспекциясе.

Чикләүләр федераль трассаларда гамәлдә:

• Казан — Оренбург (Әлмәткә кадәр);
• Казан — Ульяновск;
• Йошкар-Ола — Яшел Үзән — М7;
• М7, Киров шәһәренә керү юлы;
• М7 һәм М12;
• Шулай ук Алексеевск — Әлмәт төбәк автоюлында.

Чикләүләр һава торышы нормальләшкәнче гамәлдә.

Юлда штаттан тыш хәлләр килеп чыккан очракта +7 (843) 533-38-88 номеры буенча ярдәм сорап мөрәҗәгать итәргә, дип хәбәр итә ГАИ.