Татарстанда һәр вакансиягә җиде кеше дәгъва кыла

Татарстанда хезмәт базары тотрыклылыгын саклый, әмма тенденцияләр үзгәрә. hh.ru эш эзләү оешмасы директоры Альбина Солтанова мәгълүматлары буенча, эш эзләүчеләр арасындагы көндәшлек хәзер бер вакансиягә җиде резюме тәшкил итә. Мондый дәрәҗә нормаль санала һәм базарның артык җанлануы турында сөйләми.

«Беренчедән, бу эш эзләүчеләрнең активлыгы буенча күренә: ай саен ул узган ел белән чагыштырганда уртача 36% ка үсә. Икенчедән, өченче кварталда үткәрелгән зур сораштыру мәгълүматлары буенча, татарстанлыларның 81% якындагы өч айда эш таба алачагына шикләнми», — ди Солтанова.

Әмма эш бирүчеләр кире динамика күрсәтә. hh.ru сайты мәгълүмат буенча, аларның активлыгы 2024 елның шул ук чоры белән чагыштырганда ай саен уртача 23,5% ка кими.

«Моңа барыннан да элек бизнесны үз чыгымнарын оптимальләштерергә мәҗбүр итә торган югары төп ставка йогынты ясый. Мондый ситуациядә оптимальләштерелә торган беренче әйбер — яңа персоналны яллау күләме», — дип билгеләгән эксперт.