Татарстанда һәр җиденче кеше тәмәке тарта

Татарстанда никотин кулланучылар саны республиканың гомуми халкының 14,4% тәшкил итә. Бу хакта матбугат конференциясендә төбәкнең Сәламәтлек саклау министрлыгының штаттан тыш баш психиатр-наркологы Резеда Хаева хәбәр итте, дип яза «Казань КП».

Хаева сүзләренчә, тәмәке тартучылар саны кимү тенденциясе күзәтелә. Спикер профилактика һәм дәвалау эше бу күрсәткечне яхшыртырга ярдәм итәр дип ышаныч белдерде. Ел саен төбәктә яшәүче 700дән артык кеше зарарлы гадәттән баш тарту өчен ярдәм сорап мөрәҗәгать итә. Психиатр-нарколог билгеләп үткәнчә, мөрәҗәгать итүчеләрнең 40% ы — балигъ булмаганнар, калган 60% ы — өлкәннәр.