Татарстанда экстремаль салкын һава торышы көтелә

«Метео» үзәге фаразы буенча, февральнең уртача температурасы климатик нормадан 2-3 градуска түбәнрәк булачак, ә иң көчле салкыннар айның беренче яртысында көтелә.

Синоптик Александр Шувалов «Татар-информ» мәгълүмат агентлыгына биргән интервьюсында хәбәр иткәнчә, төбәктә 5-6 градуслык тотрыклы тискәре температура аномалиясе булырга мөмкин, бу исә бөтен айны гадәттәгедән күпкә салкынрак итәчәк.

Февраль гадәттә аз карлы чор булып саналса да, быелгы сезонда һава торышы башка сценарий буенча үтәргә мөмкин. Күп нәрсә атмосфера процессларының активлыгына бәйле булачак. Әгәр антициклон өстенлек итә калса, явым-төшем күләме минималь дәрәҗәдә булачак, әмма көньяк циклоннар Идел буена төшсә, төбәк өстәмә кар яву белән очрашырга мөмкин, бу исә салкыннар белән бергә һава торышын катлауландырачак.

Татарстан Республикасы Гидрометеорология үзәге мәгълүматлары буенча, февральдә һава температурасының климатик нормасы –10,7 градус тәшкил итә. Якынча бәяләүләр буенча, быелгы күрсәткечләр уртача күрсәткечләрдән түбәнрәк булырга һәм рекордлы дәрәҗәләргә якынлашырга.