Татарстанда берничә көн кар һәм аномаль җылылык көтелә

Татарстанда атлантик циклоннар аркасында атна ахырына кадәр җылы, дымлы һава торышы булачак.

Температура фоны күпьеллык күрсәткечләрдән 7-8 градуска югарырак булыр дип фаразлана, дип хәбәр итә республиканың Гидрометеоүзәге.

Икенче февральдән дүртенче февральгә кадәр кар, ә аерым районнарда буран көтелә. Төнге температура −3..-10 градус тәшкил итәчәк. Көндез 0..-6га кадәр җылыта.

Киләсе атна башында да шундый ук һава торышы булачак, ә чәршәмбе, 7 февральдә тагын да җылырак булачак — бу көнне плюс температура фаразлана. Юлларда көчле бозлавык, җепшек кар.