Татарстанда атна ахырында −7гә кадәр төнге салкыннар көтелә

Татарстанда бу атнада салкыннар дәвам итәчәк, төнлә һава температурасы нуль градустан түбән төшәчәк.

Синоптиклар фаразлавынча, сишәмбе, 14 ноябрьдә, республика территориясендә бераз яңгыр явачак, төнлә секундына 15 метрга кадәр көчле җил. һава температурасы +2..+5 градуска кадәр төшәчәк. Көндез +4..+8 градуска кадәр җылыта.

Чәршәмбе, 15 ноябрьдә, циклон китү белән, явым-төшем туктый. Көнчыгыш районнарда гына төнлә бераз яңгыр явуы ихтимал. Төнлә 0..+3 градус, көндез +2..+5тән югары булмаячак, дип хәбәр итә метеорологлар.

Пәнҗешәмбе, 16 ноябрьдә, урыны белән юеш кар явачак. Төнге температура −2..+2 градуска кадәр төшәчәк. Көндез +4.

ТР Гидрометеоүзәге фаразлары буенча, явым-төшемнәр бик аз. Температура −2..+3 градус.

Шимбәгә каршы төндә −2..-7гә кадәр кискен салкыннар көтелә. Юлларда бозлавык.