Татарстанда аюларны аулау рөхсәт ителде

Татарстанда көрән аю популяциясе 70 башка җиткән, әлеге төр ТР Кызыл китабыннан чыгарылган, шуңа күрә хәзер аны ауларга мөмкин, дип белдерде матбугат конференциясендә биоресурслар буенча Дәүләт комитеты рәисе урынбасары Рамил Шәрәфетдинов.

Көрән аюга ау сезоны көзен ачылачак, бу вакытка белгечләр республикада яшәүче барлык аюларны исәпкә алырга тиеш. Алынган саннардан чыгып, дәүләт комитеты ауга рөхсәт бирәчәк.

Шәрәфетдинов билгеләп үткәнчә, көрән аюлар саны бөтен ил буйлап арта.