Татарстанда 14 яшьтән йөкле мәктәп укучыларына 100 мең сум түләргә планлаштыралар
Татарстанда көндезге формада укучы йөкле хатыннарга бер тапкыр бирелә торган түләүләр программасын киңәйтү мәсьәләсе карала, аңа 14 яшьтән балигъ булмаганнарны да кертү тәкъдим ителә.
ТР Хезмәт министрлыгы әзерләнгән тиешле проект коррупциягә каршы экспертизаны уза.
Документ нигезендә, көндезге укучы, Дәүләт хатын-кызлар консультациясендә исәптә торучы, Россия гражданлыгы булган һәм республика территориясендә даими яшәүче 14 яшьтән 18 яшькә кадәрге кызлар матди ярдәм алу хокукына ия булачак. Гариза бирү өчен ата-аналарның берсенең, уллыкка алучыларның яки законлы вәкилләрнең язмача ризалыгы кирәк булачак.
Түләү алу өчен йөклелек вакыты 12 атнага җиткәч һәм бала табу көненә кадәр мөрәҗәгать итәргә мөмкин. Документта уку йортының исеме күрсәтелмәгән, бу төрле белем бирү оешмалары студентларының катнашу мөмкинлеген күздә тота.
Гаризаны шәхсән, почта аша яки Дәүләт хезмәтләре порталы аша яшәү урыны буенча республика матди ярдәм үзәгенең бүлегенә тапшырырга мөмкин. Түләүне билгеләү яки баш тарту турында карар 10 эш көне эчендә кабул ителә.
Исегезгә төшерәбез, йөкле студент кызларга 100 мең сум күләмендә бер тапкыр бирелә торган түләү Татарстан министрлар кабинеты карары белән 2025 елның 5 сентябрендә билгеләнгән иде.
Следите за самым важным и интересным в Telegram-каналеТатмедиа
Нет комментариев