Татарстан урманнары өчен 12 тонна орлык җыелган

«Экологик иминлек» илкүләм проекты кысаларында Татарстан 2025 елда урман үсемлекләре орлыкларын әзерләүне төгәлләде.

12,1 тонна орлык җыелган, бу планнан 6% ка артык, дип хәбәр итә ТР Урман хуҗалыгы министрлыгы матбугат хезмәте.

Төп массаны имән орлыклары (10,1 мең кг), шулай ук нарат, чыршы, каен һәм карагач орлыклары тәшкил иткән.

Барлык орлыкларның сыйфаты тикшерелде. Бу материал республиканың урман питомникларында үсентеләр үстерү өчен кулланылачак.