Татарстан кызы «Мисс Европа» титулына ия булган

Татарстанның Азнакай районында туып үскән Роза Гадиева Халыкара матурлык бәйгесендә «Мисс Европа» титулына ия булды. 

«Мин моны булдыра алдым — «Мисс Европа-2024» бәйгесендә җиңдем. Россия, туган Татарстаным җиңү белән каршы ал!» — дип язган Роза социаль челтәрдәге аккаунтында.

Бәйге Ливанда узган. Роза сөйләгәнчә, «Мисс Европа» бәйгесенә әзерләнү башта авыр булган, ул борчылудан төннәрен йоклый алмаган.

«Әле ике ай элек кенә миңа бәйгегә әзерләнү бик куркыныч иде. Мин моның ничек узасын белмәдем һәм кайвакыт билгесезлектән төннәрен йоклый алмадым», — дигән Роза.