Татарстан Экология министрлыгы MAX мессенджерында канал эшләтеп җибәрде

MAX мессенджерында оператив һәм актуаль яңалыкларны хәзер Татарстанның Экология һәм табигый ресурслар министрлыгы бастыра. Бу хакта министрлыкның матбугат хезмәте хәбәр итә.

«Экология өлкәсендәге барлык актуаль яңалыкларны хәзер MAX милли мессенджерында алырга мөмкин. Бу әйләнә-тирә мохитне саклау өлкәсендәге соңгы вакыйгалардан хәбәрдар булып калуның уңайлы ысулы. Тоташтыру өчен сылтама буенча күчәргә кирәк. Яңа каналга язылыгыз һәм Татарстанның барлык экоакцияләре һәм чаралары турында беренчеләрдән булып белегез», — дип чакырдылар матбугат хезмәтендә.