Татарстан балалар лагерьлары вожатыйлары Түбән Камада әзерлек узды

Түбән Камада 12-14 май көннәрендә вожатыйларны Татарстанның балалар сәламәтләндерү лагерьларында эшләргә әзерләделәр. Бу хакта Вконтактеның «Юнона» студентлар педагогик отряды төркемендә хәбәр ителә.

Әзерлек «Чайка» лагере базасында узган. Булачак вожатыйлар лекцияләр тыңлаган, кичке чаралар өчен номерлар кую белән шөгыльләнгән, төрле курслар, квестлар һәм тренинглар үткән.

Җыен ахырында телдән һәм язма имтихан үткәрелгән.