«Татарларның милли конгрессы» Президенты Рөстәм Ямалиев: «Яшь белгечләрдә туган якларына мәхәббәт тәрбияләргә кирәк»

Шул вакыт эчендә Конгресс Президенты Рөстәм Ямалиев Россия һәм Татарстан яшьләре белән берлектә бөтен ил буенча, шул исәптән Түбән Камада да, күп кенә чаралар оештыра. 

— Сезне Түбән Камада ничек каршы алалар? 
— Һәр очрашу уңышлы үтә: Татар конгрессы вәкилләре укучылар алдында чыгыш ясый, яшьләр белән аралаша. Директорларга, укытучылар составына аерым рәхмәт әйтеп китәсе килә. Мондый ачык кешеләр булганда, һәр җирдә үз һөнәренә гашыйк булган энтузиастлар, профессионаллар барлыгын аңладым. Бигрәк тә Кама Аланында, Уратма, Сухрау, Кызыл Чишмә мәктәпләрендә андый талантлар хезмәт күрсәтүен аерым атап китәсе килә. 

— Бу очрашуларның тематикасы турында да сөйләп китсәгез иде. 
— Түбән Кама муниципаль районы мәгариф идарәсе һәм ТР мәгариф министры белән килештерелгән ун төп тема билгеләп үтелде. Беренчедән, без Фикрәт Табиевның Татарстан үсешендә әһәмиятле урын биләвен турында сөйләштек. Мин аның принципларын балаларга җиткерергә тырыштым: хыяллар максатчан булырга тиеш. Икенче төрле әйткәндә, кешеләр акча һәм машиналар турында гына түгел, ә рухи байлыклар турында хыялланырга тиеш. Икенчедән, яшьләр ата-бабаларының тарихын белергә тиеш. Өченчедән, без рухилык һәм гореф-гадәтләр турында да сөйләштек. Дүртенчедән, мин балаларны хәйрия эшләренә һәм яхшы гамәлләр башкарырга, күршеләргә һәм туганнарга ярдәм итәргә, битараф булмаска өндәдем. Бишенчесе: патриот һәм «Туган ил» сүзләренең төшенчәсе. Алтынчы: без укучыларның якташ геройлары турында фикер алыштык. Җиденче: махсус хәрби операциянең мөһимлеге, минут саен яшьләрнең зәвыклары өчен көрәш баруы, һәрвакыт һәм һәр җирдә үз Ватаныбызга тугры калырга кирәклеге турында фикер алыштык. Сигезенче: халыклар дуслыгының мөһимлеге турында уйланулар. Безнең илдә һәрвакыт төрле милләтләр яшәгән. Провокацияләргә бирелергә һәм мигрантларга карата дошманлык уятырга ярамый. Без, һәрвакыттагыча, тату яшәргә тиеш. Тугызынчысы: гаилә кыйммәтләре турында сөйләштек. Нык гаиләләрне сакларга, аларга ярдәм итәргә кирәк. Алар — дәүләтнең таянычы. Унынчысы: балалар туган яктан чыккан күренекле шәхесләре язмышы һәм тарихы турында фикер алыштык.

— Кайсы тема яшьләрнең күңеленә күбрәк тәэсир итте? 
— Хыял темасы. Бер кыз торып басты да: «Мин матурлык салонын ачарга телим», — ди, ә аның партадагы күршесе «Мерседес» сатып алырга хыяллана, тагын бер кыз — нык гаилә төзелүен тели, дүртенче егет бай булырга хыяллана. Мин аларга: «Нигә сез депутат яки президент булырга теләмисез?» — дип сорадым. Аларга хыялларын арттырырга тәкъдим иттем.

— Сез Түбән Кама муниципаль районының күп кенә мәктәпләрендә булдыгыз. Аларда нинди проблемалар бар?
— Укытучыларның күбесе олыгайган инде, коллективларны яшь педагоглар белән тулыландырырга кирәк. Бу авыл мәктәпләрендә аеруча сизелә. Моннан тыш, анда билгеле бер фәннәр укытучылары җитми: астрономия, тарих, геометрия һәм башкалар. Мәктәп җитәкчелеге, балаларны укыту өчен, башка мәктәпләрдән укытучылар чакырырга мәҗбүр, яки киресенчә, балаларны башка мәктәпләргә җибәрергә тиеш була. Тагын бер проблема: хәзер безнең мәктәпләрдә мигрантларның балалары да белем ала. Алар безнең мәдәнияткә яраклашмаган.

— Сезнеңчә, бу проблемаларны ничек хәл итеп була? 
— Укытучылар җитмәүгә килгәндә, яшь белгечләрдә туган якларына мәхәббәт тәрбияләргә кирәк. Алар чит илдә, башкалада яки башка берәр җирдә укысын, ләкин туган шәһәрләренә эшләргә кайтсын. Ә мигрант балаларны мәдәниятебезнең бер өлеше булырга өйрәтергә кирәк. Тукай һәм Пушкинның кем икәнен, безнең рухи кыйммәтләребез турында сөйләвебез бик мөһим. Безнең бурыч — аларга толерантлы якын килү. «Без» һәм «алар» булырга тиеш түгел, ә бары тик «без барыбыз бергә» генә калырга тиеш.

— Киләсе елга планнарыгыз нинди? 
— Якын арада без Түбән Камада, җирле яшьләрнең иң актив әгъзалары белән очрашулар үткәрергә җыенабыз, аларның бер-берсен белүләрен һәм Түбән Кама файдасына бергәләп эшләүләрен телибез. Шулай ук алар өчен Түбән Кама аксакаллары һәм махсус хәрби операция геройлары белән очрашу оештырырга җыенабыз. Табигатьтә очрашу, ниндидер туристик-спорт чарасы, шулай ук татар яшьләре өчен танышу кичәсен дә уздыру планлаштырыла.

Ландыш Сәярова
Фото шәхси архивтан