Табигатьне саклауда тарихи адым: Татарстанда Кызыл китап беренче тапкыр ике телдә нәшер ителде

Әлеге басма төбәкнең биологик төрлелеген саклау буенча системалы эш алып бару өчен ныклы фәнни нигез булып тора.

Республиканың алдынгы фәнни оешмалары тарафыннан үткәрелгән масштаблы тикшеренүләр нәтиҗәсендә, сирәк очрый торган һәм юкка чыгу куркынычы янаган 645 хайван, үсемлек һәм гөмбә төре ачыкланды.

Алар барысы да махсус саклау астына алынды. Шулай итеп, сакланырга тиешле төрләрнең исемлеге яңартылды, аларның таралышы һәм популяцияләренең торышы турында мәгълүмат тупланды. Бу исә табигатьне саклау чараларын эшләү өчен фәнни нигезләнгән база булдырырга мөмкинлек бирә.

Әлеге хезмәткә ТР Фәннәр академиясенең, Казан федераль университетының, Идел-Кама дәүләт табигый биосфера тыюлыгының һәм «Түбән Кама» милли паркының алдынгы галимнәре җәлеп ителде, дип хәбәр итә ТР Биоресурслар буенча дәүләт комитеты матбугат хезмәте