Синоптиклар Татарстанга җылы һава торышының кайтуын фаразлый

Төнге салкыннар, ниһаять, Татарстаннан китә. Мондый фаразны ТР Гидрометеоүзәге синоптиклары бастырып чыгарды.

Аларның мәгълүматлары буенча, 21 майда төнлә һаваның минималь температурасы +3..+8˚ дәрәҗәсендә булачак. Көндез һаваның максималь температурасы +19..+24 градуска кадәр күтәреләчәк. Шулай ук 3-8 м/с тизлектәге көнбатыш җиле көтелә, көндез урыны белән 13 м/с кадәр.

Чәршәмбе, 22 май төнендә тагын да җылырак булачак, якынча +6..+11˚ фаразлана. Көндез +14..+19˚. Моннан тыш, яңгыр явачак һәм көнбатыштан 4-9 м/с тизлектә җил булачак, урыны белән ул 14 м/с кадәр көчәя.