Синоптиклар Татарстанда ял көннәренә һава торышы турында сөйләде

Якын көннәрдә Татарстанда кояшлы һава торышы сакланачак, кечкенә яңгырлар булырга мөмкин.

ТР Гидрометеоүзәге фаразынча, җомга, 17 майда, төнлә термометр баганалары 0 градуска кадәр төшәчәк, туфракта −2 градуска кадәр салкын булу ихтималы бар. Әмма көндез +20гә кадәр җылыта.

Шимбә, 18 май төнендә республикада яңгыр көтелә, термометр баганалары +3..+8 градус күрсәтәчәк. Көндез +16.

19 майда антициклонның үзәк өлеше тәэсирендә һава торышы болытсыз һәм явым-төшемсез булачак. Төнлә туфракта −2гә кадәр кырау көтелә. Көндез һаваның максималь температурасы +13..+18 градус.

Киләсе атна башында Татарстанда һава торышы элеккечә аз болытлы антициклон тәэсирендә формалашачак. Төнлә синоптиклар +1 градуска кадәр фаразлыйлар. Көндез республика халкын җылы һәм кояшлы һава торышы сөендерәчәк. Һава температурасы +20гә кадәр күтәреләчәк.