Синоптиклар: Татарстанда бераз суыта

Татарстанда якын көннәрдә бераз салкынайту көтелә, дип фаразлый республиканың Гидрометеоүзәге.

Атмосфера фронты аркасында көньяк-көнбатыш һава агымнары төньяк — көнбатышка күчәчәк, нәтиҗәдә көндезге температура алдагы өч көндә +17..+22 градустан югары күтәрелмәячәк.

Бүген төнлә +7..12 иде, чәршәмбе һәм пәнҗешәмбе көннәрендә +2..+8 генә булачак.

Явым-төшем көтелми.

Синоптикларның алдан фаразлавынча, җомга һәм шимбә көннәрендә +19..+24 градуска кадәр җылыта, яңгырлар көтелми.