Синоптик Үзәк Россиядә кышын булачак һава торышы турында сөйләде

Үзәк Россиядә кышын һава температурасы нормадан 2-3 градуска җылырак була, кар капламы 30-50 сантиметрны тәшкил итә, дип хәбәр итте РИА Новостига «Фобос» һава торышы үзәге әйдәп баручы белгече Евгений Тишковец.

«Үзәк Россиядә сезонлы һава температурасы климатик нормадан 2-3 градуска җылырак булыр дип көтелә. Явым-төшем күләмендә аномаль тайпылышлар фаразланмый. Әмма шулай да кышның икенче яртысында, мәсәлән, башкала төбәгендә кар капламы кайчак 30-50 сантиметрга кадәр җитәчәк, ә урыны белән хәтта ярты метр — бер метр булачак. Ләкин еш җылыту сәбәпле алар даими рәвештә эреп торачак», — дип сөйләде Тишковец.

Синоптик билгеләп үткәнчә, быелгы кыш зәмһәрир суыклар белән килә торган чын кышны яратучыларның һәм Россиянең урта полосасында яшәүчеләрнең кәефен бозачак (бигрәк тә сезон башында).

«Континенталь суыкларның салкын сулышы Мәскәү өлкәсендә гыйнварда гына сизелә башлаячак, әмма аның вакыты чикләнгән була һәм бу салкыннар экстремаль булмый», — дип өстәде Тишковец.