Синоптик Татарстанда салкын һава торышы һәм яңгырлар турында кисәтте

Сишәмбедән җомгага кадәр Татарстанда яңгырлар һәм температура төшүе көтелә. Бу хакта «Метео» фаразлау үзәге җитәкчесе Александр Шувалов хәбәр итте, дип яза «Татар-информ».

«Сишәмбедән республикада яңгырлар башланачак. Алар җомга көненә кадәр дәвам итәчәк. Шулай ук Татарстанда сишәмбедән салкынайта: +20...+22 градуска кадәр булачак», — ди синоптик.

Исегезгә төшерәбез, дүшәмбе, 1 сентябрьдә, Татарстанда температура +28 градуска кадәр җитте.

Ял көннәрендә, 6 һәм 7 сентябрьдә, һава торышы яхшырачак, дип билгеләп үтте синоптик.

«Ял көннәрендә яңгырлар бетәчәк, ә температура +22...+24 градуска кадәр күтәреләчәк», — дип йомгаклады Шувалов.