Синоптик Татарстанда эссе җәй булачагын фаразлады

Татарстанда җәйнең күп вакытында һава температурасы +23..+28 градус тәшкил итәчәк. Бу хакта «МЕТЕО» фаразлау үзәге синоптигы Александр Ильин хәбәр итте, дип яза «Татар-информ».

«Һава температура +20..+25 градуска кадәр төшкән кыска вакытлы салкынча чорлар булачак, әмма җәйнең күп өлешендә республикада һава температурасы +23 дәрәҗәсендә була», — дип сөйләде ул.

Синоптик киләсе җәйдә республикада термометр баганалары +30 градустан югары күтәрелгән чор да булачак, дип өстәде.