Россиялеләргә кемнәрнең иминият пенсиясеннән мәхрүм калырга мөмкин икәнен аңлаттылар

Дәүләт Думасының хезмәт, социаль сәясәт һәм ветераннар эшләре комитеты рәисе Ярослав Нилов RT телеканалына биргән интервьюсында шулай дип белдерде.

«Бездә әйләнештән 4 яки 6 процент салым түләүче үзмәшгульләр бар. Бу акчалар төбәк бюджетларына һәм медицина иминияте территориаль фондларына китә. Әмма закон буенча үзмәшгульләрнең һәркайсы пенсияне формалаштыру өчен социаль фондта үзен ирекле рәвештә иминиятләштерә ала», — дип сөйләде парламентарий.

Нилов сүзләренчә, үзмәшгульләрнең бик аз өлеше генә ирекле рәвештә пенсия формалаштыру мөмкинлегеннән файдалана. Теркәлгән 12 миллион кешенең 1 проценттан кимрәге взнос түли, ә бу баллар һәм стаж җитмәү куркынычын тудыра. Мондый очракта гражданнарга рәсми рәвештә эшкә урнашырга, баллар җыярга яки социаль пенсияне биш ел озаграк көтәргә туры киләчәк.

Хезмәт хакын «конвертта», өлешчә яки тулысынча алучыларда да шундый ук проблемалар туарга мөмкин.