Россиягә Төркиядән ак май китерә башладылар

Россиягә Төркиядән ак май җибәрә башладылар. Продуктны 2024 елның 27 октябреннән бирле китерәләр. Бу вакыт эчендә инде 20 тонна ак май китерелгән, дип яза ТАСС Россия авыл хуҗалыгы күзәтчелеге матбугат хезмәтенә сылтама белән.

Агентлыкка ведомствода хәбәр итүләренчә, 29 октябрьгә Россия Федерациясенә шулкадәр күләмдә ак май китерелгән. Бу мәгълүматларны «Ветис» федераль дәүләт мәгълүмат системасы бирә.

Элегрәк «Татар-информ» хәбәр иткәнчә, Татарстанда складларда һәм кибет киштәләрендә вәзгыять тотрыклы, ак майга дефицит юк. Татарстан Республикасы авыл хуҗалыгы һәм азык-төлек министры Марат Җәббаров журналистларга белдергәнчә, республикада әлеге продукцияне җитештерүче барлык предприятиеләр штат режимында эшли.

Татарстанда шулай ук шикәр буенча дефицит һәм ажиотаж юк.