Россиядә иминият пенсияләре күләмен арттырдылар

2025 елның 1 февраленнән Россия гражданнарының иминият пенсияләре 9,5 процентка индексацияләнде. Бу турыда закон проектында белдерелә.

Искәртик, агымдагы елның гыйнварында пенсия түләүләре 7,3 процентка арткан иде. Әмма ай уртасында реаль инфляция фаразланганнан югарырак булып чыкты һәм 9,5 процент тәшкил итте. Шул сәбәпле Россия Президенты Владимир Путин иминият пенсияләренең өстәмә индексациясен үткәрергә йөкләде.

Моннан тыш, февраль өчен арттырылган пенсия белән россиялеләргә гыйнвар өчен 2,2 процент күләмендә өстәмә түләү индексацияне исәпкә алып күчереләчәк.