Россиядә 2025 елга ял һәм бәйрәм көннәре расланды

Россия Хөкүмәте ял һәм бәйрәм көннәрен билгеләп, 2025 елга җитештерү календарен раслады. Тиешле карарны премьер-министр Михаил Мишустин имзалады.

• Ватанны саклаучылар көне: 22 һәм 23 февраль (шимбә һәм якшәмбе);
• Халыкара хатын-кызлар көне: 8 һәм 9 март (шимбә һәм якшәмбе);
• Яз һәм Хезмәт бәйрәме: 1-4 май;
• Җиңү көне: 8-11 май;
• Россия көне: 12-15 июнь; 
• Халыклар бердәмлеге көне: 2-4 ноябрь;
• 31 декабрь: ял көне.

Моннан тыш, июньдә татарстанлылар Корбан бәйрәме уңаеннан 6 июньнән 8 июньгә кадәр ял итәчәк.

Барлыгы 2025 елда республика халкын 235 эш көне һәм 120 ял көне көтә.