Рамил Муллин Түбән Кама мэры вазифасыннан китте

Рамил Муллин кичә рәсми рәвештә Түбән Кама мэры, Түбән Кама муниципаль районы башлыгы вазифасыннан китте.

Шәһәр һәм район Советларының чираттан тыш сессиясендә депутатлар аның Татарстан Республикасы Рәисе ярдәмчесе сыйфатында башка эшкә күчү сәбәпле, вәкаләтләрен вакытыннан алда туктату турындагы карарын бертавыштан хуплады.

ТР Премьер-министры Алексей Песошин Рамил Муллинга «Татарстан Республикасы алдындагы казанышлары өчен» ордены медален тапшырды һәм яңа урында уңышлар теләде.